DAN 15eg / UNDER 15's

 

TYMOR - 1995/1996 - SEASON

Rhes Gefn (chwith i'r dde) / Back Row (left to right) : Andrew Williams - Aled Jones - Eifion Jones - Gerallt Hughes - Martin Morris - Steven Wyn Jones - Gwion Iwan - Geraint Cook. Rhes Flaen (chwith i'r dde) / Front Row (left to right) : Colin Jones - Dyfan Williams - Gethin Williams - Wayne Pierce Jones - Owain Machno Lloyd - Irfon Hughes - Sion Stokes - Meilir Jones - Sion Jones.

 

Llanrug United 2 - 0 Mountain Rangers Wedi blynyddoedd o ymdrechu heb lwyddiant sicrhaoedd bechgyn o dan bymtheg oed Llanrug United y 'Junior Cup' ar yr Oval, ar y deunawfwd o Fai, 1996. Gyda Mountain Rangers - y ffefrynnau - yn wrthwynebwyr a hwythau eisioes wedi curo Llanrug ddwywaith yn ystod y tymor, fe ddaliodd yr hogia eu perfformiad gorau tan y gem bwysicaf un. Dangosodd Andrew Williams, un o chwaraewyr mwyaf dawnus y gynghrair, ei werth gyda dwy gôl ardderchog. A dyna oedd y sgôr terfynol - 2-0. O dan reolaeth Mr Howyn P Jones, wedi bod yn canolbwyntio ar y gem ers dyddiau, a chapteiniaid Owain Machno Lloyd y gôlgeidwad cafwyd y 'commitment' oedd ei angen. Gyda'r llawer o'r chwaraewyr yn chwarae eu gem olaf o dan yr oed yma, gan gynnwys Eifion P Jones sydd ar ei ffordd i Anfield. Yn ôl yr arfer chwaraeodd Eifion yn dda iawn ac edrychodd ben ac ysgwydd yn uwch na'r chwaraewyr eraill, ond yn anffodus fe gafodd gerdyn melyn - y cyntaf o amryw dwi'n siwr. Ei bartneriaid amddiffynnol oedd Wayne Pierce Jones a Steven Wyn Jones ac Irfon Hughes yn ardderchog fel arfer. Yng nghanol y cae roedd Dyfan Williams yn gwneud ei orau i blesio'r cefnogwyr - yn enwedig y genethod ! Ar yr asgell chwith roedd Aled Jones, a weithiodd yn galed, ac roedd Meilir Jones yr ochr arall yn ceisio ei orau gan obeithio plesio ! Sion Stokes oedd y pedwerydd aelod yn y canol. Chwaraeai 'calon y tim' mor gyson ag eriod ac ef oedd y 'Man of The Match'. I fyny'r cae gwelwyd Gerallt Hughes yn defnyddio ei bresenoldeb corfforol yn ogystal a rhedeg yn ddeallus. Gyda gôliau gwych a sgiliau Andrew, yn ogystal ag arbediadau pwysig Machno, ni ellir gweld bai ar unrhyw berfformiad. I gadw'r pwysau ar y tim a ddechreuodd y gem, roedd nifer o eilyddion. Ni ellir anghofio rhan Gethin Williams, Geraint Cook, Martin Morris, Gwion Iwan a Sion Jones, i'r llwyddiant er fod 'Perthi' yn Fuerte Ventura ! Yn dilyn y dathlu daeth y seremoni cyflwyno'r medalau. Cafodd pob aelod o'r tim afael yn y gwpan, cyn ac ar ôl y bwffe ! Paciodd Owain y gwpan yn ei fag a mynd a hi i Fryn Moelyn ! Nid oedd neb yn haeddu'r clod a'r llwyddiant yn fwy na'r rheolwr, sydd wedi ymddeol ar ôl y gem hôn, ar ôl blynyddoedd o waith gwerthfawr i'r Clwb. Adroddiad gan - Meilir Jones (Un o'r Hogia)

 

yn ôl IEUENCTID / back to YOUTHS